الثلاثاء، 19 يوليو، 2011







يا ناقش الحنّا على كفك الزين
كفك عذاب قلوب من غير حنّا
اخلفت عقّال العرب والمجانين
خلق الله تباريك منّا ومنّا
وعادك تمشّى في المحلات ببزين
وتغريف وبرموش عينك تجنّا
بنظرتك ترسلهم يسار ويمين
احد ٍ تبنّج معك واحد ٍ معنّا
يدبك وحظّه خابره دايما ً شين
ما قد خبرته في المدابك تهنّا
يشكي على الادنين منّك والاقصين
وشكا علينا منك حتى فتنّا
وجينا نتفرج مثل باقي المعنّين
اللي شكا واللي لعيناك غنّا
حتى اجتمعنا فوق سته وعشرين
وكل ٍ يجهّز جيش غزوة مهنّا
وجنّا البني المترفات المزايين 
ولا التفتنا صوبهن يوم جنّا
الناس مثلك فيهم رجيل وايدين
بس انت غير ومنوة اللي تمنّا
كفك لحاله يجعل القاسي يلين
تومي على البزران ونطيح حنّا !!
شي ٍ جرى صاحين والا خبالين
لكن عسى الله يرفع الذنب عنّا

كح كح كح هذا النقش من عرس اخوي >/////////////////////<

ليست هناك تعليقات:

إرسال تعليق

أرائكم فيما اكتب واو فيما يروق لي =)
ونصائحكم بالتصوير والتصميم مهمه لي ^()^